2018-жылдын 12-апрелинде, Жаркын Седмицанын бейшембисинде, Кыргызстанга пасхалык архипастырлык расмий сапары менен Ортоазия митрополия округунун Башчысы, Ташкент жана Өзбекстан митрополити Улуу урматтуу Викентий келди.
Аэропортто митрополит Викентийди Бишкек жана Кыргызстан епискобу Даниил тосуп алды.
13-апрелде Митрополия округунун Башчысы Ыйык-Воскресенск кафедралык соборунда Кудайга сыйынуу литургиясын жүргүзөт жана учурда Бишкектеги кафедралык собордун жыйындар залында өтүп жаткан “Ыктыярдуулардын 1-епархиялык курултайына” катышат.
