2018-жылдын 6-майында Архистратиг Божий Михаил храмынын алдындагы «Светоч» ПЧДМ футбол аянтында салтка айланып калган Ош шаарындагы мини-футбол боюнча христиандык командалардын ортосунда Пасхалык бир туугандык беттешүүлөр өттү.
Мелдешке 6 команда катышты: Светоч 1, Светоч 2, Реабцентр, (СБ)Слово Бога, Саламат, Связь.
Бул мелдеш Ош шаарында жылына эки жолу өтүп турат - Рождестводо жана Пасхада. Айыгышкан таймаштардын жыйынтыгында орундар төмөнкүчө бөлүндү: 4-орунду Светоч 2 командасы алды, 3-орунда – Саламат, 2-орунда - СБ, 1-орунду – Связь командасы ээледи. Связь командасы чемпиондук титулун жана өтмө кубокту сактап калды, ошондой эле «Светоч» футбол клубунун президенти протоиерей Виктор Реймген жакында Россияда боло турган 2018-жылдагы Дүйнө чемпионатынын логотиби бар топту жеңүүчүлөргө тапшырды.
