19-октябрда Жалал-Абад шаарында КТРКнын 60 жылдыгына арналган иш-чара болду. Шаардын борбордук дарбазасынын алдында майрамдык концерт жана кыргыздардын декоративдик-колдонмо искусствосунун жасалгаларынын көргөзмө-жармаңкеси өттү.
Шаардын администрациясынын чакыруусу боюнча жана жергиликтүү Славян диаспорасынын колдоосу менен салтанатка Успения Божией Матери храмынын алдындагы «Сретение» жекшембилик мектебинин тарбиялануучулары катышып, “Достук” музыкалык композициясын аткарып беришти.
Иш-чара улуттар аралык ак ниеттүү баарлашуу менен коштолуп, меймандарга кыргыздын улуттук ашканасынын тамактары тартылды.