2019-жылдын 18-январынан 19-январына караган түнү, Элүүлүктүн 34-жумасында, Жараткан Иисус Христтин Чокунуу майрамында Бишкек жана Кыргызстан епискобу Даниил Ыйык-Воскресенск кафедралык соборунда Кудайга сыйынуу литургиясын жана Сууга ыйык керемет киргизүү чинин аткарды.
Улуу Урматтуу Аны менен кызмат өтөштү: протоиерей Валентин Никонов, архимандрит Петр (Путиев), иерей Георгий Дворовой, иерей Владимир Кусаинов.
Кудайга сыйынуу литургиясы аяктагандан кийин башчы Даниил Ыйык-Воскресенск кафедралык соборунун аймагынын чыгыш бөлүгүндө Иорданда сууга ыйык керемет киргизүү чинин аткарды.
Сууга керемет киргизүү аяктагандан кийин, собордо, епископ сыйынган адамдарга осуят сөзү менен кайрылды. Архипастырь бардык адамдарды Жараткандын Чокунуу жана Кудайдын көрүнүү майрамы менен куттуктап, чиркөөгө келгендерге Иорданда болгон улуу окуянын маанисин түшүндүрүп берди. Кудайдын көрүнүү окуясында элге Ыйык Үчилтик – Жараткан Иисус, Ага жуурулушкан Ыйык Рух көгүчкөн түрүндө жана Асмандан – “Бул менин батамды алган Менин Уулум” деп жар салган Кудай Ата көрүнөт.
«Жараткандын чокунуусу Иисус Христос осуят айтууга киришүүдө, Иоанн Предтечиде чокунуу үчүн Иордандын суусуна киргенде болот. Жараткан мындай жол менен Мыйзам аткарылыш керектигин айтат. Дал ушундай болот. Сууга кирип жатып, Жараткан бизге счокунуу үлгүсүн көрсөтөт. Ошондуктан, суудан чыгып жатып, Ал төмөндөгү сөздөрдү айтат – “ким Ыйык Рухтан жана суудан жогору туулбаса, ал Кудай Падышачылыгына кирбейт”. Биз үчүн бул сөздөр – алгылыктуу мыйзам. Биз баарыбыз күнөөдөн арылуу үчүн суу менен жуунуп, жаңы жашоого кирип жана христиан болуу менен жеке чокундуруу купелинен өтөбүз.
Кымбаттуу ага-инилер жана эже-карындаштар ыйык – улуу агиасманы ыраазычылык менен кабыл алыңыздар. Биз аны ичип, өз үйүбүзгө сээп, Жараткандын бардык жаратууларына жеткирүү менен, жыргалга ээ болобуз. Баарыңыздарды улуу майрам менен куттуктайм! Биздин куткаруу жана Түбөлүк Жашоого ээ болуу жолубузда Кудайдын жардамын, дене бой жана жан дүйнө саламаттыгын каалайм. Аминь».
Жараткандын Чокунуу жана Кудай көрүнүшү майрамы менен!
