2019-жылдын 12-октябрында Бишкектин жана Кыргызстандын епископу Даниилдин батасы менен Кыргыз Республикасынын билим берүү кызматкерлеринин күнүнө арналган епархиянын жекшембилик мектептеринин мугалимдери үчүн сыртка чыгуучу семинар болуп өттү.
Билим берүү жана катехизация бөлүмү тарабынан уюштурулган семинар Кашка-Суу эс алуу базасында болуп өттү. Иш-чаранын максаты –квалификацияны жогорулатуу жана епархия педагогторун жолуктуруу, ошондой эле мугалимдердин жаңы тажрыйба алуусу.
Жолугушуунун биринчи бөлүгүндө арттерапия боюнча семинар болду, анда сүрөтчү Макеева Евгения Юрьевна балдар үчүн сүрөт тартуунун пайдасы жөнүндө жана баланын өсүүсүнө чыгармачылык процесстин терапевтик таасири тууралуу айтып берди. Семинардын катышуучулары изотерапия жана кагаздан чоң көлөмдөгү гүлдөрдү жасоо сабагынан өтүштү. Бул тажрыйба балдарга сабак өтүүдө жана майрамдарды өткөрүүдө жайларды кооздоого пайдалуу болот.
Иш-чаранын программасына майрамдык түшкү тамак, кыймылдуу оюндар, кооз капчыгайда сейилдөө жана отургуч чынжыр жолун убактылуу алуу кирген.
