2018-жылдын 13-апрелинде, Жаркын Жуманын жума күнү, Бишкекке пасхалык сапары менен келген, Ташкент жана Өзбекстан митрополити Викентий Ыйык-Воскресенск кафедралдык соборунда Кудайга сыйынуу литургиясын аткарды.
Улуу урматтуу Аны менен Бишкек жана Кыргызстан епискобу Даниил жана епархиянын алдындагы дин кызматкерлери кызмат өтөштү.
Кудайга сыйынууда сууга керемет киргизүү жана соборду айланып кресттик жүрүш аткарылды.
Кызмат аяктагандан кийин митрополит Викентий чиркөөгө келген адамдарга кайрылып, баарын “түбөлүк бакубат жашоого ишенимдин ырастоосу” болгон Ыйык Пасха менен куттуктады. Митрополит Викентий Кыргызстандан бир нече зыяратчы Иерусалимге барып жана Кыргызстанга Берекелүү от алып келишкенине абдан кубанычта экенин белгиледи. Улуу урматтуу Ал Жаратканга кайрымдуулугу үчүн, Ал ыйык жерлерге баруу мүмкүнчүлүгүн бергени жана Иисус Христтин Тирилишинин далили болгон жана биз үйүбүздү жарык кыла ала турган Берекелүү отту бергени үчүн ыраазычылык билдирди.
Чиркөөгө келген адамдарга архипастырлык сөзү менен кайрылып, улуу урматтуу митрополит көптөгөн адамдар кудай Падышалыгына жетүүгө ишеним артуу менен, Түбөлүк жашоого жыргалчылыкты алуу үчүн, өзүнүн жердеги жашоосунда көп нерседен баш тартканын эскертти. Бүгүнкү күндө, адамдар үчүн максималдуу ыңгайлуулукту өнүктүрүүгө басым жасалып жатканда, биз үчүн ыйык адамдардын аскетикалык мисалы абдан маанилүү. Анткени биздин дүйнөнүн бардык заманбап багыттары адамды ыңгайлуулук, кооздук жана рахат алуу убадалары менен алаксытып, аны Кудайдан максималдуу алыстатууга багытталган. «Биздин цивилизация, – деп белгиледи митрополит, – биздин жан дүйнөнү куткаруу үчүн анык керек нерсе эмес, башка иштер менен алек болуубузга баарын жасап жатат. Ошондуктан Кудай Падышалыгынан бизди эмне алаксытып жатканын түшүнүү үчүн, биз ыкыластуу жана кылдат тандагыч болушубуз керек».
Андан ары Улуу урматтуу Ал Бишкек епархиясынын архипастыры епископ Даниилге кайрылды.
«Кымбаттуу башчы Даниил, мен Сизди Пасха майрамы менен чын жүрөктөн куттуктайм. Сизге архипастырлык эмгегиңизде Кудайдын жардам кылуусун каалайм. Мен Сизге Иерусалимден ала келген, ыйык жерлерде керемет киргизилген жана Сизге жардам бере турган бир нече ыйык заттарды тартуулагым келет. Бул белектерди бизден кубануу менен кабыл алыңыз». Улуу урматтуу Ал епископ Даниилге «Иерусалим» Кудай Эненин иконасын жана Иерусалимдеги Орус миссиясынын пасхалык жумурткасын белекке берди.
Митрополит Викентийге жооп иретинде кайрылуу менен, улуу урматтуу Даниил деп айтты:
«Улуу урматтуу, кымбаттуу Христти сүйүүчү, кымбаттуу биздин башчысыбыз, Орто азия митрополиттик округунун башчысы. Бүгүн Сиз бул жаркын күндөрү сыйынууда жана кудайга кызмат кылууда биз менен болуп, православ кыргызстандыктарга болгон өзүңүздүн сүйүүңүздү көрсөтүп турасыз. Бүгүн Сиз өзүнүн жан дүйнөсүн куткарып калуу ишинде дин жолундагы жашоону сүргөн байыркы ыйыктар жөнүндө айттыңыз. Бирок, мен азыр дагы куткаруу иши тыным алган жоктугун айткым келет. Биздин дин башкармалыктын жана биздин епархиянын мүчөлөрүнүн атынан, мен Сизге биздин кыргызстандыктар Сиз менен бирге Иерусалимге Берекелүү отко барганы үчүн ыраазычылык билдиргим келет. Бул сиздин улуу эмгегиңиз. Бул күндөрү көп адамдар топтолгонуна карабастан, Сиз зыяратчылар ыйык жерлердин кереметтерине кол тийгизип жана Берекелүү отту бул жерге алып келиши үчүн, аларды көптөгөн ыйык жерлерге алып барганыңызды баса белгилегим келет. Биз Сизге ыраазычылык билдиребиз жана дайыма Сиздин ден соолугуңуз жана Сиздин архипастырлык кызматыңыз үчүн сыйынабыз. Сиз биз үчүн Башчы, күн сымалсыз жана дайыма бул куткарууну өзүңүздүн мисал менен көрсөтүп келесиз. Биз, сиздин эмгекти баалап, кубанычка батып жана ыраазычылык билдиребиз, биз кантип кызмат кылышыбыз керектигинен жана биз кантип куткаруу ишине умтулуубуз керектигинен үлгү алабыз».
Кайрылуунун аягында улуу урматтуулар соборго сыйынууга келгендерге батасын беришти.
