2018-жылдын 4-ноябрында Жалал-Абад шаарында “Россиянын биримдик күнү” майрамынын урматына “Славян диаспорасы” ассоциациясынын актылар залынын расмий ачылыш болду. Иш-чарага Ош шаарындагы Россия Федерациясынын Башкы консулу Свистин Роман Викторович, Кыргыз Республикасындагы Рокызматташтыктын өкүлчүлүгүнүн жетекчисинин орун басары Алексеев Василий Николаевич, Жалал-Абад шаарындагы “Славян диаспорасынын” президенти Малиженко Виктор Викторович катышты.
Учурашуу сөзүндө консул катышуучулардын баарын майрамы менен, ал эми В.В. Малиженкону кызматка дайындалышы менен куттуктады. “Славян диаспорасынын” президентинин өтүнүчү боюнча менен Успения Божией Матери храмынын «Сретение» жекшембилик мектеби майрамдык концерт өткүрдү. Роман Свистин өткөрүлгөн иш-чаранын майрамдык жана руханий жагдайын белгилеп, катышуучуларга эстелик дипломдорду тапшырды. Ошол эле күнү кечинде Роскызматташтык “Славян диаспорасы” менен бирге Бишкектеги “Сувенир” орус ырларынын ансамблинин жана Эл аралык конкурстун баш-байгесинин ээси, орус романстарынын аткаруучусу Тимур Кожобековдун катышуусу менен жарандар үчүн концерт өткөрдү. Майрамдын соңунда жарандар иш-чаранын уюштуруучуларына жана катышуучуларына чын дилден чыккан ыраазычылыгын билдиришти.