2020-жылдын 23-январында, Элүүлүктүн 32-жумасында, ыйык Феофан Затворник Вышенскийди эскерүү күнү, Ташкент жана Өзбекстан митрополити Викентий жана Бишкек жана Кыргызстан епискобу Даниил ыйык тең апостоль улуу князь Владимир соборунда Кудайга сыйынуу литургиясын аткарышты.
Архиерейлер менен кызмат өтөштү: архимандрит Пётр (Путиёв), протоиерей Алексей Зайцев, иерей Георгий Дворовой.
Литургия аяктагандан кийин митрополит Викентий чиркөөгө келген адамдарга архипастырлык сөзү менен кайрылды, анда бардыгын Рождество жана Жараткандын Чокунуусу майрамы менен куттуктады.
“Үч күндөн бери биз Бишкек епархиясынын ар кайсы приходдоруна барып жатабыз, кудайга сыйынууну аткарып, эл менен жолугуп жана улуу майрамдар менен куттуктап жатабыз. Бул биз үчүн зор кубаныч, бул күндөн Кудай тарабынан берилген берекелүү күндөр болду. Жараткан жыл сайын Ыйык Рухтун берекесин жөнөтөт, ал бизди агартат жана тазалайт, биздин эмгектерибиз жана изги иштерибиз үчүн бизге күч-кубат берет. Куткаруучу Христ жерге алып келген башкы нерсе бул терең тобо кылуу, сабырдуулук жана жөнөкөйлүк үлгүсү. Бул изгиликтер биздин руханий жашообуздун негизи болуп саналат, себеби адамдын кулашынын себеби текеберлик болгон. Биздин кыйраган табиятыбызды калыбына келтирүү жана аны тирилтүү үчүн, Христ төрөлүп жана биздин тулкубузду жана жан дүйнөбүздү жарыктандырып, бизге Асман Падышачылыгына мүмкүнчүлүк жана жол берүү үчүн тирилген. ”
Бул күндөрү жер Асман жарыгы жана Христтин берекеси менен жаркыган. Биз бул берекеге чөмүлүп, жүрөгүбүздү Кудайга жана Асман Падышачылыгына болгон сүйүүгө толтурушубуз керек. Бул майрамдарга сүңгүп кирген көпчүлүк адамдар Христти ушунчалык сүйгөндүктөр, бардык жердеги жыргалчылыкты Кудай Падышачылыгы үчүн калтырышкан. Христтин жолун жолдоо үчүн эч кандай азап чегүү жана кайгы-капа тоскоол боло албаган азап чегүүчүлөрдү, ыйыктарды билебиз. Алар биз үчүн үлгү болуп саналат жана биз алардан үлгү алып, өз иштерибиз менен куткарууну ишке ашыруу үчүн алардын өмүр баянын изилдешибиз керек”.
Митрополит Викентий башчы Даниилге Кыргызстанда архипастырлык кызмат өтөөсү үчүн ыраазычылык билдирди жана Москва жана бүтүндөй Орус Патриархынын ыраазычылыгын айтты. “Улуу урматтуу дайыма бул жакта болуп жаткан иштерге кызыгат. Мен Бишкек епархиясы епископ Даниилдин жетекчилиги астында гүлдөп өсүп жана өнүгүп жатканы жөнүндө баяндоо мүмкүнчүлүгүнө ээ болдум. Мен Сиздин эмгегиңиз үчүн ыраазычылык айтам. Сиздин көп жакшы пландарыңыз бар экенин билем. Кудай буюруп анын баары ишке ашсын”.
Епископ Даниил өз сөзүндө митрополит Викентийден Ыйык Патриарх Кириллге анын сыйынуулары үчүн, Кыргызстандагы православ жашоосуна анын көңүл буруусу үчүн ыраазычылык айта барууну өтүндү.
“Биздин Патриархка ыраазычылык билдирүү менен, биз Сиз үчүн ыраазычылык сыйынууларыбызды аткарабыз, анткени Сиз көп эмгек кылып жана Ортоазия округунун бардык епархиясын боорукер жүрөгүңүз жана сүйүүңүз менен калкалап келесиз. Бизге келип жатасыз, кудайга сыйынууну жетектейсиз жана жакшы насаат бересиз”.
Кыргызстанга архипастырлык сапарын аяктап, митрополит Викентий 23-январда Ташкенте жол алат.
