«Светоч» православдык чиркөө-приходдук мектебинин «Наследие» аскердик-патриоттук клубу В.И. Ленин атындагы № 10 мектептин «Крепость» АПК менен биргеликте бүгүн Улуу Жеңиштин 75 жылдыгын майрамдоого арналган комплекстүү иш-чаралардын алкагында, Оштогу Россиялык илим жана маданият борбору уюштурган Ленинград блокадасын толук алуу күнүнө арналган тегерек үстөлгө катышты.
Тегерек үстөлдүн катышуучулары Оштогу Россиянын ыкчам чек ара кызматынын өкүлдөрү, Ош мамлекеттик университетинин окутуучулары жана Оштогу “Русский центрдин” директору Занфира Мискичекова болушту.
Иш-чараны Кыргыз Республикасындагы Роскызматташтыктын Өкүлчүлүгүнүн жетекчисинин орун басары Василий Алексеев ачты, ал мектеп окуучуларынын жана педагогдордун мындай иш-чараларга кызыгуусун жана активдүүлүгүн белгиледи, ошондой эле балдарды согуш жана Улуу Жеңиш жөнүндө ишенимдүү тарыхый маалыматты билүүгө умтулуусун мактады.
Курсанттар дагы сөз сүйлөштү, анда блокадага кабылган Ленинграддын жашоосу, анын тургундарынын жеңиштери жөнүндө айтып беришти, фото-бетачарды даярдашкан жана ыр окушту.
Балдардын алдында Оштогу Россиянын чек ара кызматынын өкүлү подполковник Александр Сорока сөз сүйлөдү, ал чек арасылардын атынан бардыгын Ленинградды бошотуунун 76 жылдыгы менен куттуктады, бул датаны жүрөктөгү оору менен, ошол эле убакта жеңиш ээлеринин мууну үчүн сыймыктануу сезими менен тосуп алаарын белгиледи.
Ошондой эле тегерек үстөлдүн катышуучулары Занфира Мискичекованын сөзүн кунт коюп угушту, ал блокадачылардын жашоосунан бөтөнчө фактылар жөнүндө жана мышыктар блокадага кабылган Ленинградды келемиштердин кол салуусунан кантип куткарганы жөнүндө айтып берди.
Иш-чаранын аягында тегерек үстөлдү даярдоого жигердүү катышкан курсанттар грамоталар жана Оштогу Россия илим жана маданият борборунун атынан эстелик белектер менен сыйланышты.
