2022-жылдын биринчи сентябрында собор аянтында Билим күнүнө арналган салтанат болуп өттү. Ыйык-Воскресенск кафедралык соборунда ар бир жакшылыктын башталышы үчүн сыйынууну епископ Савватий өткөрдү.
Андан кийин башчы мектеп окуучуларына насаат сөзү менен кайрылды. Ошондой эле молебенден кийин дароо болуп өткөн майрамдык линейкада мектептин ардактуу коноктору – Роскызматташтыктын КРдагы өкүлчүлүгүнүн жетекчиси Зулхареев Альберт Фархатович, Ленинград блокадачыларынын Кыргыз коомунун төрагасы Кутанов Марат Асанбекович, РФ ВКС подполковниги Рыбин Александр Александрович катышты.
Иш-чаранын расмий бөлүгүнөн кийин мектеп директору Аристова Светлана Ивановна ар бир мугалимди тааныштырды.
Майрамдык программа куттуктоолор жана насаат сөздөрү менен коштолгон расмий бөлүктөн тышкары, шаңдуу бийлер, ырлар жана ар бир ата-энеге белгилүү болгон балдар, мектеп ырлары менен коштолду.
Билим күнү - бул биринчи коңгуроо жана толкундануу, кучак толо гүлдөр жана ак бантиктер, анан дагы бул толук кандуу инсанды өнүктүрүүдө абдан маанилүү күн!
Баарын – окуучуларды жана алардын ата-энелерин, мектеп директорлорун, мугалимдерди жана руханий насаатчыларды жаркыраган ушул күн менен куттуктайбыз! Балдарыбыздын жашоосунда ар дайым күнүмдүк кыйынчылыктарды жеңүүгө жардам берген билимге, акылмандыкка орун болсун. Кудай колдоп, Кудайдын ыраазычылыгы болсун!
