14-сентябрда Бишкек епархиясына архипастырлык сапары менен келген Ортоазиялык Митпополит окуругунун башчысы, Ташкент жана Өзбекстан митрополити Викентий ыйык Равноапостолдук Улуу Князь Владимир соборунда майрамдык сыйынуу литургиясын жетектеди. Майрамдык сыйынуу Индикт – чиркөө Жаңы жылынын башталышына – кайрадан башталган бир жылдык кудайга кызмат кылуу айлампасына арналган.
Сыйынуу литургиясы аяктагандан кийин Улуу урматтуу Викентий динге ишенүүчүлөрдү жаңы башталган кудайга кызмат кылуу жылы менен куттуктады жана бул Кудай тартуулаган берекелүү мезгилди өз жан дүйнөсүн куткаруу жана Жараткан Падышачылыгын мурастоо үчүн пайдалануу тилегин айтты.
