14-сентябрда Ыйык-Воскресенск кафедралык соборунун конференц-залында «Приходдук жашоону уюштуруу жана өнүктүрүү» илимий-практикалык семинары өттү. Иш-чараны архипастырлык насааты жана акыл сөзү менен митрополит Викентий ачты.
Угуучулар катары семинарга епархиянын дин кызматкерлери жана карапайым адамдар катышты.
Епархиянын дин кызматкерлеринин атынан «Бишкек епархиясындагы приходдук жашоонун абалы жана өнүгүү перспективалары» аналитикалык маалымдама баяндамасы менен ыйык Равноапостолдук Улуу Князь Владимир соборунун клирики, протоиерей Алексей Сыромятников сөз сүйлөдү.
Педагогиканын магистри, Екатеринбург шаарындагы Екатеринбург православ руханий семинариясынын окуу иши боюнча проректору, иерей Константин Корепанов «Евхаристикалык жамаатка заманбап чакырыктар» баяндамасын жасады.
Ташкент руханий семинариясынын окуу бөлүмү боюнча проректору, Ташкенттеги Ташкент жана Ортоазия епархиясынын Агартуу бөлүмүнүн төрагасы, протоиерей Сергий Стаценко видеобайланыш аркылуу семинарга катышты жана «Приходдук жамааттагы карапайым адамдын ролу» баяндамасын жасады.
«Падышалык священство, динге ишенүүчүлөрдүн кызмат кылуусу» бетачары жана баяндамасы менен педагогика илимдеринин кандидаты, доцент, дин таануу магистри, Екатеринбург шаарындагы Урал мамлекеттик тоо университетинин алдындагы теология кафедрасынын башчысы, протоиерей Игорь Бачинин сөз сүйлөдү.
Окулган баяндамалар угуучулар арасында терең кызыгууну жана талкууну жаратты.
