Быйылкы жылы концертке 25 жамаат катышты. Концерттик программа бардык жамааттардын репертуарында болгон элдик ырдан тартып С.С. Акматова жетектеген Сокулук айылынын балдар музыкалык мектебинин тарбиялануучулары аткарган Атай Огонбаевдин «Маш ботоюна» чейин ар түрдүү болду. Биринчи жолу фестивалга «Сударушки» жамааты катышты, ырларындай эркин казак орустары өздөрүнүн кооз костюмдары жана шыктандырган ырлары менен көрүүчүлөрдү кубандырышты. Жаш катышуучулар Брюховецкая Варвара, Гриб Анастасия жана Самиева Сафина да өзгөчөлөнүп турду, кыздар жаш экенине карабастан, өздөрүн сахнанын чебери катары көрсөтүп, Людмила Джан жана Лунара Жумабек сыяктуу таланттуу чоң артисттерден кем калбай аткарышты.
Көрүүчүлөрдүн сүйүктүү жамааттары: «Прялица», «Русская душа», «Радуга», «Красная гвоздика», «Ветера», «Свiтанак» жана «Хмель» ансамблы менен жолугушуусу абдан жагымдуу жана кубанычтуу болду.
Епархиянын храмдарынын клиростору дагы четте калган жок, алардын программасында литургиялык ырлар жана элдик ырлар болду.
Бардык катышуучулар ыраазычылык грамоталарын, таттуу белектерди жана флорист Ирина Стеблякова тарабынан атайын фестиваль үчүн даярдалган кооз гүл композициясын алышты.
Славян маданияты жөнүндө бир жолку концерт менен баарын айтып жеткирүү мүмкүн эмес, демек биз дагы көп ирет жолугушабыз.
Уюштуруучулар бардык катышуучуларга жана көрүүчүлөргө маданий майрамдын жылуу жана жагымдуу атмосферасы үчүн ыраазычылык билдирет!
