Кымбаттуу окуучулар, педагогдор жана ата-энелер!
Сиздерди жаңы окуу жылынын башталышы менен куттуктайм! Бул окуу жылы сиздер үчүн интеллектуалдык, руханий, эстетикалык жана маданий байытуу булагы болсун!
Ар бир окуу жылы жаңы билим кубанычынан тышкары, белгилүү бир жоопкерчиликти да алып келет. Окуу – бул курчап турган дүйнөнү жана анын мыйзамдарын билүү процесси гана эмес. Ыйык Ефрем Сириндин айтуусунда, «билим байлыктан артык, ал эми жакшы ишсиз билимдин мааниси жок», ошондуктан, кымбаттуу балдар, билимге жана көндүмгө ээ болуу менен, силер өзүңөр жана жакындарыңар үчүн келечектеги кубанычка толгон жашоону курууга жардам бере турган нерсени издегиле.
Урматтуу педагогдор! Жараткан балдарды силердин камкордугуңа тапшырды – бул жооптуу гана эмес, ыйык милдет. Эске сала кетсем, билим деген сөз Кудай адамды жараткан образ түшүнүгү менен байланыштуу. Ошондуктан, балдардын таанып-билүү жана интеллектуалдык жөндөмдүүлүктөрүн өнүктүрүү, аларга социалдык адаптация көндүмдөрүн үйрөтүү менен бирге, билим берүү келечектеги адамдын дүйнө таанымын гана эмес, түбөлүк жашоо үчүн жан дүйнөнү калыптандыра турган руханий негиздерди жана баалуулуктар системасын түптөөгө багытталган.
Кымбаттуу ата-энелер! Билим берүү – бул тарбиялоонун жана билим берүүнүн бирдиктүү максаттуу процесси, бул Жараткан Устаттын мыктылык образы боюнча окуучулардын руханий дүйнөсүн калыптандыруу. Эгерде биз үчүн Сүйүүнүн өзү катары Кудай үлгү болсо, анда балдарыбыздын жан дүйнөсүнүн стихиясы курмандык сүйүү болуп калат. Бул айланадагылар гана эмес, балдардын өзү үчүн керек. Адам сүйгөндө гана кубанат. Ошондуктан балдар жакын адамдарын жана башка адамдарды сүйүүнү, айылды, шаарды, өлкөнү жана бүтүндөй ааламды сүйүүнү, окууну, жумушту жана жарандык милдеттерин сүйүүнү үйрөнгөнү маанилүү. Анда балдарыбызды эмне бактысыз кылат? Жакшы тарбияланган адамды эч кандай кайгы жеңе албайт.
Кымбаттуу мугалимдер жана окуучулар, ата-энелер жана билим берүү процессин уюштурууга катышкандардын бардыгы, Жараткан сиздерге өзүнүн ырайымы менен, убактылуу жана түбөлүк жашоонун кубанычы менен ыраазычылыгын берсин, бардык кайгы-капалардан алыс кылсын.
Сиздерди жакшы көрүп жана сыйынуу менен,
САВВАТИЙ
БИШКЕК ЖАНА КЫРГЫЗСТАН ЕПИСКОБУ
